祥哥撐環保 利是封再用

  • 时间:
  • 浏览:0

  圖:梁志祥響應環保,舊利是封派利是\大公報記者張月琪攝

  「恭喜發財!利是來!」尋日民建聯梁志祥(祥哥)開完記者會就向在場記者大派利是,鄭晴見到款款利是都唔同樣,又有Hello Kitty,又有壞蛋獎門人,原來祥哥話佢今年支持環保,分派咗啲舊利是封嚟派利是。

  問到佢分派咗幾多舊利是封,佢就歸功返男人的女人,話利是封呢啲嘢係佢男人的女人打點,「我都唔知佢喺邊度執啲舊利是封㗎,不過就環保啲囉,上年新嗰啲都用唔曬!」

  祥哥又預計今個新春,荷包勢將「大出血」,事關新正頭走咗好多場活動,預備咗比上年多咗成倍利是。問到有冇用到五位數,祥哥就話不便透露,但係就預備咗成2000封咁話。